ກອງປະຊຸມເຜີຍແຜ່ບາງນິຕິກໍາກ່ຽວກັບວຽກງານເຕັກໂນໂລຊີ ແລະ ການສື່ສານ ໃຫ້ພະນັກງານເມືອງລ້ອງແຈ້ງ

28/05/2024

ກອງປະຊຸມເຜີຍແຜ່ບາງນິຕິກໍາກ່ຽວກັບວຽກງານເຕັກໂນໂລຊີ ແລະ ການສື່ສານ ໃຫ້ພະນັກງານເມືອງລ້ອງແຈ້ງ

ໃນຄັ້ງວັນທີ 22 ພຶດສະພາ 2024 ຜ່ານມານີ້ ພະແນກເຕັກໂນໂລຊີ ແລະ ການສື່ສານແຂວງໄຊສົມບູນ (ພຕສ) ໄດ້ລົງເຜີຍແຜ່ບາງນິຕິກໍາກ່ຽວກັບວຽກງານເຕັກໂນໂລຊີ ແລະ ການສື່ສານ ໃຫ້ແກ່ພະນັກງານ-ລັດຖະກອນບັນດາຫ້ອງການ, ອົງການຕ່າງໆ ຂອງເມືອງລ້ອງແຈ້ງ, ໂດຍໃຫ້ກຽດເຂົ້າຮ່ວມເປັນປະທານຮ່ວມ ຂອງທ່ານ ສູນດາວັນ ສີທົງໄຊ ຄະນະປະຈຳພັກເມືອງ, ຫົວໜ້າຫ້ອງການ ຊສ ເມືອງລ້ອງແຈ້ງ, ມີທ່ານ ພຸດທະສອນ ຫອມລັດສະໝີ ຮອງຫົວໜ້າພະແນກເຕັກໂນໂລຊີ ແລະ ການສື່ສານແຂວງ ກໍ່ເປັນກຽດເຂົ້າຮ່ວມເປັນຄະນະປະທານເຊັ່ນດຽວກັນ, ເຊິ່ງມີນັກວິທະຍາກອນ ພ້ອມດ້ວຍນັກສໍາມະນາກອນ (ພະນັກງານ)ເຂົ້າຮ່ວມທັງໝົດ 33 ທ່ານ, ຍິງ 9 ທ່ານ.

ໃນໂອກາດດັ່ງກ່າວ ຕາງໜ້າໜ່ວຍງານ ຕສ ເມືອງລ້ອງແຈ້ງ ໃນນາມຈັດຕັ້ງພິທີກໍ່ ໄດ້ຂື້ນສະເໜີຈຸດປະສົງ ແລະ ລາຍງານສະພາບການຈັດຕັ້ງປະຕິບັດວຽກງານເຕັກໂນໂລຊີ ແລະ ການສື່ສານ ໄລຍະໜຶ່ງປີຜ່ານມາ ໃຫ້ກອງປະຊຸມໄດ້ຮັບຝັງ ຊຶ່ງສາມາດຍາດໄດ້ຜົນງານຫລາຍດ້ານ ແລະ ຍັງບາງໜ້າວຽກທີ່ຕ້ອງສຶບຕໍ່ພັດທະນາໃນຕໍ່ໜ້າຕື່ມ, ນອກຈາກ ທ່ານ ສູນດາວັນ ສີທົງໄຊ ຄະນະປະຈຳພັກເມືອງ ປະທານກອງປະຊຸມ ກໍ່ໄດ້ມີຄໍາເຫັນກ່າວເປີດປະຊຸມຢ່າງເປັນທາງການແລ້ວ, ຈາກນັ້ນ ທ່ານ ພຸດທະສອນ ຫອມລັດສະໝີ ຮອງຫົວໜ້າພະແນກ ຕສ ແຂວງ ກໍ່ໄດ້ມີບາງຄໍາເຫັນຊີ້ນໍາ ແລະ ອະທິບາຍບາງໜ້າວຽກຕື່ມ ໃຫ້ຜູ້ແທນກອງປະຊຸມໄດ້ຮັບຊາບຢ່າງເລິກເຊິ່ງກ່ວາເກົ່າຕື່ມ.

ຈາກນັ້ນ ຄະນະຮັບຜິດຊອບ ກໍ່ໄດ້ຂື້ນສະເໜີບາງເອກະສານ ທີ່ກ່ຽວຂ້ອງ ໃຫ້ທີ່ປະຊຸມໄດ້ຮັບຝັງ ເປັນຕົ້ນ: ພາລະບົດບາດ, ສິດ ແລະ ໜ້າທີ່ ຂອງພະແນກ ຕສ, ພາລະບົດພາດຂອງຂະແໜງ, ວຽກງານຄຸ້ມຄອງ ແລະ ອອກອະນຸຍາດໃຫ້ບັນດາຫົວໜ່ວຍທຸລະກິດ, ວຽກງານການຫັນເປັນດິຈິຕອນ, ວຽກງານໄປສະນີ ແລະ ການສື່ສານ, ວຽກງານເຕັກໂນໂລຊີ ແລະ ນະວັດຕະກໍາ ລວມເປັນ 5 ເອກະສານ, ນອກຈາກນັ້ນ ໃນກອງປະຊຸມກໍ່ໄດ້ມີຄໍາເຫັນແລກປ່ຽນ ແລະ ຄຳສະເໜີບາງອັນທີ່ກ່ຽວຂ້ອງນໍາຕື່ມ.

            ໃນຕອນທ້າຍຂອງກອງປະຊຸມ ທ່ານປະທານ ກໍ່ໄດ້ມີຄຳເຫັນຊີ້ນໍາ ແລະ ກ່າວປິດກອງປະຊຸມລົງ ຢ່າງເປັນທາງການ ຂອງມື້ດຽວກັນ.

ຂ່າວ-ພາບ: ຂະແໜງດິຈິຕອນ ແລະ ຄວາມປອດໄພໄຊເບີ

             ພະແນກເຕັກໂນໂລຊີ ແລະ ການສື່ສານແຂວງ.

 

 

 

ວິໃສທັດ, ແຜນຍຸດທະສາດ ແລະ ແຜນການ 5 ປີ ຂອງກະຊວງ ຕສ
ວາລະສານ ດ້ານໄອຊີທີ
ວິທີການຂື້ນທະບຽນເບີໂທລະສັບ