ພະແນກ ຕສ ແຂວງໄຊສົມບູນລົງສົມທົບກັບຫ້ອງວ່າການເມືອງຮົ່ມຈັດກອງປະຊຸມເຜີຍແຜ່ບາງຕິິນິກຳໃຫ້ແກ່ພະນັກງານຂອງເມືອງ.

29/05/2024

ພະແນກ ຕສ ແຂວງໄຊສົມບູນລົງສົມທົບກັບຫ້ອງວ່າການເມືອງຮົ່ມຈັດກອງປະຊຸມເຜີຍແຜ່ບາງຕິິນິກຳໃຫ້ແກ່ພະນັກງານຂອງເມືອງ.

         ໃນຕອນເຊົ້າຂອງວັນທີ 22 ພຶດສະພາ 2024 ພະແນກເຕັກໂນໂລຊີແລະ ການສື່ສານ ແຂວງໄຊສົມບູນໄດ້ລົງໄປສົມທົບກັບໜ່ວຍງານເຕັກໂນໂລຊີ ແລະ ການສື່ສານ ຂອງຫ້ອງວ່າການເມືອງຮົ່ມຈັດກອງປະຊຸມເຜີຍແຜ່ບາງນິຕິກຳໃຫ້ແກ່ພະນັກງານຂອງບັນດາຫ້ອງການ, ອົງການ ແລະ ກົມກອງອ້ອມຂ້າງເມືອງຮົ່ມ ຂືີ້ນທີ່ຫ້ອງປະຊຸມນ້ອຍຂອງຫ້ອງວ່າການເມືອງ, ໂດຍການເປັນປະທານຮ່ວມຂອງທ່ານ ວຽງຄຳ ລີຫວັງເສີ ຮອງຫົວໜ້າພະແນກເຕັກໂນໂລຊີ ແລະ ການສື່ສານ ແຂວງ ແລະ ທ່ານ ກົງຄຳ ສຸທຳມະວົງ ຄະນະປະຈຳພັກເມືອງ ຮອງເຈົ້າເມືອງເມືອງຮົ່ມ , ມີບັນດາທ່ານຫົວໜ້າ ຫຼື ຮອງຫົວໜ້າ ແລະ ວິຊາການຂອງບັນດາຫ້ອງການ, ອົງການ ແລະ ກົມກອງເຂົ້າຮ່ວມທາງໝົດຈຳນວນ: 44 ທ່ານ, ຍິງ 12 ທ່ານ.

        ໃນໂອກາດດັ່ງກ່າວ ທ່ານ ກົງຄຳ ສຸທຳມະວົງ ໄດ້ມີຄຳເຫັນ ແລະ ກ່າວເປີດກອງປະຊຸມ, ຊິ່ງທ່ານໄດ້ຍົກໃຫ້ເຫັນເຖິງບົດບາດ ແລະ ຄວາມສຳຄັນຂອງວຽກງານໄອຊີທີ ທີ່ໄດ້ເຂົ້າມາມີບົດບາດສຳຄັນຢ່າງຍິ່ງໃນປັດຈຸບັດຕໍ່ວຽກງານບໍລິຫານລັດ, ພາກທຸລະກິດຂອງລັດ ແລະ ສັງຄົມ. ຫຼັງຈາກນັ້ນກອງປະຊຸມຍັງໄດ້ຮັບຝັງການເຜີຍແຜ່ວຽກງານການຫັນເປັນທັນສະໄໝຂອງພາກລັດ, ວຽກງານເຕັກໂນໂລຊີ ແລະ ນະວັດຕະກຳ ແລະ ວຽກງານໄປສະນີ ແລະ ການສື່ສານ ໂດຍສະເພາະແມ່ນໄດ້ເຜີຍແຜ່ຂໍ້ຕົກລົງຂອງທ່ານ ບໍ່ວຽງຄຳ ວົງດາລາ ສະບັບເລກທີ: 240/ກຕສ, ລົງວັນທີ: 30 ມັງກອນ 2024 ວ່າດ້ວຍ ໂຄງສ້າງຫົວໜ່ວຍລາຄາ ແລະ ຄ່າຮັກສາຄວາມປອດໄພສຳລັບ ໂທລະຄົມມະນາຄົມ ແລະ ອິນເຕີເນັດ ຂອງ ສປປ ລາວ. ພ້ອມດຽວກັນນັ້ນໃນກອງປະຊຸມຍັງໄດ້ພັດປ່ຽນກັນແລກປ່ຽນ, ມີຄຳຄິດ-ຄຳເຫັນຕໍ່ກັບການນຳໃຊ້ສື່ສັງຄົມອອນລາຍ, ການຂະຫຍາຍສັນຍານໂທລະສັບມືຖື ແລະ ບັນຫາການເກັບຄ່າຮັກສາຄວາມປອດໄພທາງໂທລະສັບ ແລະ ອິນເຕີເນັດ ເຮັດໃຫ້ຜູ້ເຂົ້າຮ່ວມໄດ້ຮັບຮູ້ ແລະ ເຂົ້າໃຈຕໍ່ກັບວຽກງານເຕັກໂນໂລຊີ ແລະ ການສື່ສານຫຼາຍບັນຫາພໍສົມຄວນ.

        ໃນຕອນທ້າຍກອງປະຊຸມຍັງໄດ້ຮັບຟັງການມີຄຳເຫັນຂອງຄະນະປະທານສອງທ່ານຕໍ່ກອງປະຊຸມ, ຊິ່ງຄະນະປະທານໄດ້ຍ້ອງຍໍ-ຊົມເຊີຍຕໍ່ຄວາມເອົາໃຈໃສ່ຂອງບັນດາທ່ານຜູ້ເຂົ້າຮ່ວມທີ່ໄດ້ສຸມສະຕິປັນຍາ, ຄວາມຮູ້, ຄວາມສາມາດເຂົ້າຮັບຟັງ, ແລກປ່ຽນຄຳຄິດ, ຄິດເຫັນຕໍ່ກອງປະຊຸມ. ນອກຈາກນີ້ຍັງໄດ້ເໜັ້ນໜັກໃຫ້ພະນັກງານຂອງບັນດາພາກສ່ວນຂັ້ນເມືອງນຳເອົາຄວາມຮູ້ທີ່ໄດ້ຮັບຟັງຄັ້ງນີ້ໄປໝູນໃຊ້ເຂົ້າໃນວຽກງານຂອງຕົນໃຫ້ເກິດປະໂຫຍດສູງສຸດ.

 

ວິໃສທັດ, ແຜນຍຸດທະສາດ ແລະ ແຜນການ 5 ປີ ຂອງກະຊວງ ຕສ
ວາລະສານ ດ້ານໄອຊີທີ
ວິທີການຂື້ນທະບຽນເບີໂທລະສັບ