ກອງປະຊຸມເຜີຍແຜ່ເອກະສານ ອົບຮົມການເມືອງ-ນຳພາແນວຄິດ ເພື່ອກ້າວສູ່ກອງປະຊຸມໃຫຍ່ 03 ຂັ້ນຂອງພັກ.

06/06/2024

ກອງປະຊຸມເຜີຍແຜ່ເອກະສານ ອົບຮົມການເມືອງ-ນຳພາແນວຄິດ ເພື່ອກ້າວສູ່ກອງປະຊຸມໃຫຍ່ 03 ຂັ້ນຂອງພັກ.

         ໃນຕອນເຊົ້າຂອງວັນທີ 5 ມີຖຸນາ 2024 ໜ່ວຍພັກພະແນກເຕັກໂນໂລຊີແລະ ການສື່ສານ ແຂວງໄຊສົມບູນໄດ້ຈັດກອງປະຊຸມເຜີຍແຜ່ເອກະສານ ອົບຮົມການເມືອງ-ນຳພາແນວຄິດ ເພື່ອກ້າວສູ່ກອງປະຊຸມໃຫຍ່03 ຂັ້ນຂອງພັກໃຫ້ແກ່ສະມາຊິກພັກພາຍໃນໜ່ວຍ ຂືີ້ນທີ່ຫ້ອງປະຊຸມຂອງຕົນ, ໂດຍການເປັນປະທານຂອງສະຫາຍ ດົວຊົ່ງ ເລ່ຍໂກ້ ເລຂາໜ່ວຍພັກ ຫົວໜ້າພະແນກເຕັກໂນໂລຊີ ແລະ ການສື່ສານ ແຂວງ, ມີບັນດາສະຫາຍຮອງເລຂາ, ກໍາມະການພັກຕະຫຼອດຮອດສະມາຊິກພັກສົມບູນ ແລະ ສຳຮອງພາຍໃນໜ່ວຍເຂົ້າຮ່ວມ.

        ໃນໂອກາດດັ່ງກ່າວ ສະຫາຍ ດົວຊົ່ງ ເລ່ຍໂກ້ ໄດ້ມີຄຳເຫັນ ແລະ ກ່າວຈຸດປະສົງຕໍ່ກອງປະຊຸມ, ຫຼັງຈາກນັ້ນບັນດາສະຫາຍຄະນະພັກໃນໜ່ວຍກໍ່ໄດ້ພັດປ່ຽນການຂື້ນເຜີຍແຜ່ບັນດາເອກະສານຄື: ເອກະສານ ຍົກສູງຄວາມສາມາດນຳພາ ແລະ ຄວາມເປັນແບບຢ່າງນຳ ໜ້າຂອງພັກ, ເອກະສານ ຕັ້ງໜ້າຝຶກຝົນຫຼໍ່ຫຼອມຄຸນທາດການເມືອງ ແລະ ຄຸນສົມບັດສິນທຳປະຕິວັດ, ເອກະສານ ເດັດດ່ຽວ ແລະ ແກ້ໄຂປະກົດການຫຍໍ້ທໍ້ ໃນຖັນແຖວພະນັກງານ-ສະມາຊິກພາ ແລະ ເອກະສານ ຄວາມເຂົ້າໃຈກ່ຽວກັບການດຳເນີນກອງປະຊຸມໃຫຍ່ 03 ຂັ້ນຂອງພັກ. ເຊິ່ງບັນດາເອກະສານດັ່ງກ່າວໄດ້ສະແດງໃຫ້ສະມາຊິກພັກຮັບຮູ້ ແລະ ເຂົ້າໃຈເຖີງການນຳພາຄຸ້ມຄອງລັດດ້ວຍສັງຄົມ, ຫຼັກການລວມສູນປະຊາທິປະໄຕ ປະຊາຊົນລາວ ສຽງສ່ວນນ້ອຍຂື້ນກັບສຽງສ່ວນຫຼາຍ, ມີສະຕິຕໍ່ການຈັດຕັ້ງ ກຳແໜ້ນຕໍ່ລະບຽບກົດໝາຍຂອງພັກ ມີຄວມຮັບຜິດຊອບສູງຕໍ່ໜ້າທີ່ວຽກງານຂອງຕົນ ພ້ອມທາງຕັ້ງໜ້າເຊື່ຶອມຊີມເອກະສານຕ່າງໆຂອງພັກ ຝຶກຝົນຫຼໍ່ຫຼອມຕົນເອງໃຫ້ມີຄຸນທາດການເມືອງ ຄຸນສົມບັດສິນທຳປະຕິວັດ. ບໍ່ສວຍໃຊ້ໜ້າທີຕໍາແໜ່ງ ເພື່ອຫວັງຜົນປະໂຫຍດສ່ວນຕົວ, ການປາກເວົ້າໃຫ້ກົງກັບພຶດຕິກຳຕົວຈິງ ມີຈັນຍາບັນຕໍ່ວຽກງານທີ່ຕົນຮັບຜິດຊອບ ແລະ ເປັນແບບຢ່າງທີ່ດີໃຫ້ແກ່ມະຫາຊົນພາຍໃນພະແນກໃຫ້ມີຄວາມເຊື່ອໝັ້ນ ແລະ ໄວ້ວາງໃຈ.

 

                                                                                                                                                                                                                ພາບ-ຂ່າວ: ພະແນກ ຕສ ແຂວງ

 

ວິໃສທັດ, ແຜນຍຸດທະສາດ ແລະ ແຜນການ 5 ປີ ຂອງກະຊວງ ຕສ
ວາລະສານ ດ້ານໄອຊີທີ
ວິທີການຂື້ນທະບຽນເບີໂທລະສັບ